تاثیر 14 نومبر ۲۰۲۵:- ایس -ایم- حسن
بھوپال، 14 نومبر : بہار اسمبلی انتخابات کے لیے ہوئے دو مراحل کے انتخابات کی ہفتہ کو ووٹوں کی گنتی ہو رہی ہے۔ ابتدائی رجحانات میں این ڈی اے ریکارڈ جیت کی طرف بڑھتی ہوئی نظر آ رہی ہے۔ این ڈی اے کی واضح اکثریت والی حکومت بنتی دکھائی دے رہی ہے۔ اس کے ساتھ ہی مدھیہ پردیش بی جے پی میں جشن کا ماحول ہے۔
صوبائی بی جے پی دفتر میں بڑی تعداد میں لیڈر اور کارکن پہنچ کر جیت کا جشن منا رہے ہیں۔ اندور میں وزیر اعلیٰ ڈاکٹر موہن یادو نے کارکنوں کو لڈو کھلا کر خوشی کا اظہار کیا۔ صوبے بھر میں آتش بازی ہورہی ہے اور مٹھائیاں تقسیم کی جا رہی ہیں۔ دراصل، بہار کے انتخابی مہم میں وزیر اعلیٰ موہن یادو نے 25 اسمبلی نشستوں پر انتخابی مہم چلائی تھی۔ رجحانات کے مطابق ان 25 میں سے 21 نشستوں پر این ڈی اے امیدوار آگے ہیں۔