تاثیر 18 نومبر ۲۰۲۵:- ایس -ایم- حسن
سہسرام ( انجم ایڈووکیٹ ) آج مورخہ 18 نومبر 2025 کو ضلع سماجی تحفظ سیل کے زیراہتمام ضلع کلکٹر روہتاس مسز ادیتا سنگھ نے منشیات سے پاک ہندوستان مہم کی 5 ویں سالگرہ کے موقع پر منشیات کے استعمال کے خلاف حلف دلایا۔ انھوں نے وضاحت کی کہ نوجوان کسی بھی قوم کی طاقت ہوتے ہیں معاشرے اور ملک کی ترقی میں اہم کردار ادا کرتے ہیں، اس لئے یہ انتہائی ضروری ہے کہ زیادہ سے زیادہ نوجوان نشہ مکتی انڈیا مہم میں شامل ہوں، ملک کو درپیش منشیات کے استعمال کے چیلنج کو قبول کرتے ہوئے، آئیئے ہم سب “منشیات سے پاک ہندوستان مہم” کے تحت متحد ہو جائیں اور منشیات سے پاک رہنے کا عہد کریں، نہ صرف اپنے معاشرے، خاندان اور دوستوں کے لئے، بلکہ اپنے لئے بھی، کیونکہ تبدیلی خود سے شروع ہوتی ہے ۔ اس کا بنیادی مقصد طلباء اور نوجوانوں کو منشیات کے استعمال کے مضر اثرات سے آگاہ کرنا ہے ۔ انہوں نے واضح کیا کہ عام شہری بھی اس مہم میں حصہ لے کر منشیات سے نجات سے متعلق حلف آن لائن لے سکتے ہیں اور سرٹیفکیٹ حاصل کر سکتے ہیں، اور QR کوڈ سکین کر کے براہ راست آن لائن حلف اٹھا سکتے ہیں ۔ انہوں نے ضلع کے مکینوں سے اپیل کی کہ وہ بڑی تعداد میں آن لائن اور آف لائن حلف اٹھا کر منشیات سے پاک معاشرے کی تشکیل میں اپنا حصہ ڈالیں ۔ اس موقع پر موجود افسران، ملازمین، اساتذہ اور عام شہریوں نے منشیات سے پاک معاشرے کی تعمیر کے لئے اپنے بھرپور عزم کا اظہار کیا ۔ حلف برداری کی تقریب کے دوران ضلع کلکٹر روہتاس مسز ادیتا سنگھ نے کہا کہ منشیات کی لت نہ صرف ذاتی زندگی کو متاثر کرتی ہے بلکہ خاندان، سماج اور ملک کی ترقی میں بھی رکاوٹ ہے ۔ انہوں نے ہر ایک سے اپیل کی کہ وہ کسی بھی قسم کی نشے کی لت سے دور رہیں اور دوسروں میں اس کے بارے میں شعور بیدار کریں ۔ اس پروگرام کا بنیادی مقصد سماج میں منشیات کی لت سے نجات کے بارے میں بیداری بڑھانا اور عوامی شراکت کے ذریعہ ایک صحت مند اور محفوظ ہندوستان کی تعمیر کو مضبوط کرنا تھا ۔ ضلع ہیڈکوارٹر پر واقع کلکٹریٹ کی ڈی آر ڈی اے عمارت میں منعقدہ حلف برداری کی تقریب میں کل 290 لوگ موجود تھے، جس میں اسکولوں/اعلیٰ تعلیمی اداروں کے تقریباً 1200 لوگوں نے حصہ لیا، سیلف ہیلپ گروپس/آشا ورکروں کی تعداد تقریباً 11450 تھی ۔ ضلع کے دیگر مقامات پر ہوئے پروگرام میں 50955 لوگوں نے شرکت کی، اسکے ساتھ ساتھ عوام کو اجتماعی حلف، ریلی اور عوامی آگاہی کی سرگرمیوں کے ذریعے منشیات کی لت کے خاتمے کی ترغیب دی گئی ۔ پروگرام میں مقررین نے منشیات کی لت کے مضر اثرات، خاندان اور معاشرے پر اس کے اثرات اور منشیات سے پاک زندگی کے فوائد پر تفصیلی گفتگو کی ۔