تاثیر 30 نومبر ۲۰۲۵:- ایس -ایم- حسن
نئی دہلی، 30 نومبر: وزیر اعظم نریندر مودی نے اتوار کو اپنے ماہانہ ریڈیو پروگرام “من کی بات” کے 128 ویں ایپی سوڈ میں اسرو کی طرف سے منعقد کیے گئے ایک منفرد ڈرون مقابلے کا ذکر کرتے ہوئے بتایا کہ کیسے بھارت کے نوجوان خلا جیسی مشکل صورت حال میں بھی کس طرح تجربات اور تحقیق کے لیے پرجوش ہیں۔
وزیر اعظم نے کہا کہ حال ہی میں سوشل میڈیا پر وائرل ہونے والی ایک ویڈیو نے ان کی توجہ مبذول کرائی، جس میں اسرو مقابلے میں حصہ لینے والے نوجوان مریخ جیسے حالات میں ڈرون اڑانے کی کوشش کر رہے تھے۔ انہوں نے پونے کے طالب علموں کی ٹیم کی مثال دی، جن کا ڈرون کئی بار گرا اور کریش ہوا لیکن انہوں نے ہمت نہیں ہاری۔ مسلسل کوششوں کے بعد، ٹیم اپنے ڈرون کو مریخ جیسی سطح پر مختصر وقت کے لیے اڑانے میں کامیاب ہو گئی۔