جے ہند یوا” سنگٹھن پپرا کے زیرِ اہتمام کوئز مقابلہ کا انعقاد۔

ارریہ :- ( مشتاق احمد صدیقی ) بلاک کے کلوہوا گاؤں میں، جئے ہند یوا سنگٹھن پپرا نے میٹرک اور انٹرمیڈیٹ کے طلباء کو بورڈ کے امتحانات کے لیے حوصلہ افزائی اور رہنمائی کے لیے کوئز مقابلہ اور کیریئر کونسلنگ پروگرام کا انعقاد کیا۔ پروگرام کی صدارت صدر دھرو ساہ نے کی جبکہ مہمانانِ خصوصی کی حیثیت سے آل انڈیا پرائیویٹ کوچنگ ایسوسی ایشن کے صدر راشد جنیداور پپرا پنچایت کے سابق مکھیا دیپ چند ساہ شریک پروگرام ہوئے۔ پروگرام کے بارے میں تنظیم کے میڈیا انچارج نریش کمار منڈل نے بتایا کہ یہ پروگرام طلباء کو بورڈ کے امتحانات کے لئے تیار کرنے کے لئے منعقد کیا گیا ہے۔ اس کوئز مقابلے میں پنچایت کے مختلف کوچنگ سینٹرز کے 10ویں اور 12ویں جماعت کے طلبہ اور طالبات  نے حصہ لیا۔ سکریٹری انیل کمار نے بتایا کہ 10ویں جماعت کے کوئز مقابلے میں آدتیہ کمار منڈل نے پہلا، شبھم کمار نے دوسرا اور پریتم کمار منڈل نے تیسرا مقام حاصل کیا جبکہ انٹرمیڈیٹ سطح کے مقابلے میں گوری کماری نے پہلا، جولی کماری نے دوسرا اور کرشنا کمار نے تیسرا مقام حاصل کیا۔ کوئز مقابلے کے تمام پوزیشن ہولڈرز کو پھولوں کا مالا اور مومنٹو دے کر انہیں اعزاز بخشا گیا اور ان کی خوب خوب حوصلہ افزائی کی گئی،  شیوم سمیت، راگھونندن، اور ابھیشیک کو بھی بہترین کارکردگی کی بنیاد پر تشجیعی انعام دیا گیا۔ تقریب سے خطاب کرتے ہوئے اے آئی پی سی اے کے صدر راشد جنید نے کہا کہ دور دراز دیہی علاقوں میں تعلیم کو فروغ دے کر ہی ریاستی اور قومی سطح پر تعلیمی پسماندگی کی صورتحال کو بدلا جا سکتا ہے۔ ایک بڑی آبادی دیہات میں رہتی ہے۔ اور اگر دیہی بچوں کو بہتر تعلیم اور مناسب رہنمائی ملے تو وہ اعلیٰ سطحوں پر سبقت لے جانے کے قابل ہوں گے، جس سے ملک کے بنیادی ڈھانچے اور ترقی کی راہیں ہموار ہوں گی۔ انہوں نے طلباء کے مفاد میں اس پروگرام کے انعقاد کے لئے جئے ہند یوتھ آرگنائزیشن کی بھی تعریف کی اور تقریب میں موجود بچوں اور والدین کی توجہ کئی اہم نکات کی طرف مبذول کرائی۔ پروگرام کے کوآرڈینیٹر روشن مہتا نے بتایا کہ پنچایت کے جینیئس پروگریسو کوچنگ سینٹر، سرسوتی کوچنگ سینٹر، اسٹار لائٹ کوچنگ سینٹر، جئے ما شاردا کوچنگ سینٹر، اور لکچھ کوچنگ سینٹر کے بچوں کی کارکردگی قابل ستائش ہے، جس کے لیے انہوں نے اساتذہ کا شکریہ ادا کیا۔ صدر دھرو ساہ، نائب صدر روشن مہتا، سکریٹری انیل کمار، ممبر للت ساہ، میڈیا انچارج نریش کمار منڈل، ممبر وکاس سنگھ، کمار، روشن کمار منڈل، روشن جھا، خازن سبودھ سدا، اور دیگر نے کوئز اور تقسیم انعامات تقریب کے انعقاد میں اہم اور کلیدی کردار ادا کیا۔