تاثیر 18 دسمبر ۲۰۲۵:- ایس -ایم- حسن
بھاگلپور )منہاج عالم)۔ گنپت رائے سالارپوریا سرسوتی وِدیا مندر، سَینک اسکول نرغہ کوٹھی بھاگلپور میں وِدیا بھارتی اَکھل بھارتی شِکشا سَنستھان کے صدر روِیندر کانہرے کی صدارت میں تین روزہ ضِلعی مرکز با اختیار بنانے کا اجلاس منعقد ہوا۔ بھوج یونیورسٹی، بھوپال کے سبکدوش وائس چانسلر اور وِدیا بھارتی اَکھل بھارتی شِکشا سَنستھان کے صدر روِیندر کانہرے، ریاستی سکریٹری پردیپ کُشواہا اور پرنسپل اَمرِیش کمار نے مشترکہ طور پر شمع روشن کر کے پروگرام کا افتتاح کیا۔پہلے سیشن میں طلباء سے خطاب کرتے ہوئے انہوں نے کہا کہ طلباء کی ہمہ جہت ترقی ہی تعلیم کا بنیادی مقصد ہے۔ آج کے دور میں طلباء کے لیے مشکلات کا سامنا کرنے کی صلاحیت کو بھی فروغ دینا ضروری ہے۔پریس کانفرنس میں انہوں نے کہا کہ وِدیا بھارتی کے اسکولوں کا بنیادی مقصد تعلیم کے ساتھ ساتھ اَخلاق و آداب (سنسکار) بھی دینا ہے۔ صرف مضامین کا علم کافی نہیں ہے۔ طلباء میں حب الوطنی، سماجی یکجہتی، نظم و ضبط وغیرہ جیسی اچھی صفات کا فروغ ضروری ہے۔
وِدیا بھارتی کی طرف سے عام تعلیم کے ساتھ یوگا، جسمانی تربیت، سنسکرت، موسیقی، اخلاقی اور روحانی تعلیم آج کی ضرورت ہے۔ 21ویں صدی کے مطابق اے. آئی. کی تعلیم، کوڈنگ، اسکل ڈیولپمنٹ کی تعلیم بھی دی جا رہی ہے۔ تمام ضلعی مراکز میں ماڈل اسکول کھولنے کا منصوبہ ہے۔ علاقائی اور مادری زبان کے ذریعے تعلیم دینے کی پہل کی جا رہی ہے۔اس موقع پر 17 اضلاع کے پرنسپلز اور کمیٹی ممبران کے ساتھ میٹنگ منعقد کی گئی۔ اس موقع پر ریاستی سکریٹری پردیپ کمار کُشواہا، ڈیپارٹمنٹ ہیڈ ستیش کمار سنگھ، بانکا ضلع کے ضلعی انسپکٹر بَرمھ دیو پَرساد، پرنسپل اَمرِیش کمار، سُوجیت کمار، میڈیا انچارج ششی بھوشن مِشر اور دیپک کمار جھا موجود تھے۔