کرجا کے دو نوجوانوں کی ناگپور میں درد ناک موت ۔ حادثے میں چھ بہاریوں کی ہوئی موت

مظفر پور ( نزہت جہاں)

مہاراشٹر کے ناگپور میں جمعہ کی صبح بہار کے چھ مزدور پانی کی ٹینک گرنے سے ہلاک ہو گئے۔ مرنے والوں میں مظفر پور کے دو نوجوان بھی شامل ہیں۔ کرجا تھانہ علاقہ کے گبسرہ کے دو نوجوانوں کی موقع پر ہی موت ہو گئی۔ شدید زخمی نوجوان کو اسپتال میں داخل کرایا گیا ہے اور اس کی حالت بھی تشویشناک بتائی جاتی ہے۔ مرنے والوں میں گبسرا پنچایت کے وارڈ 3 کے  ناگیشور سہنی کا 23 سالہ بیٹا سدھانشو کمار اور راجیشور پاسوان کا بیٹا 25 سالہ اجے کمار شامل ہیں۔ جبکہ زخمی نوجوان پرکاش کمار (28)  جوئ بُلا سہنی کا  بیٹا ہے۔ سابق مکھیا ہتلال سہنی نے بتایا کہ ان کا بھتیجا سدھانشو ناگپور کے ایم آئی ڈی سی علاقے میں آودا سولر پلانٹ میں فٹر کے طور پر کام کرتا تھا۔ واقعے کے دوران لوہے کے اسٹریچر سے پانی کی ٹینکی گر گئی جس سے سدھانشو اور اجے کمار کی موقع پر ہی موت ہو گئی۔ مہاراشٹر پولیس نے لاشوں کو پوسٹ مارٹم کے لیے بھیج دیا ہے۔ اطلاعات کے مطابق یہ حادثہ ناگپور میں واقع عودا الیکٹرو پرائیویٹ لمیٹڈ کے سولر پینل مینوفیکچرنگ پلانٹ میں جمعہ کو پیش آیا جہاں ایلومینیم کے پانی کے ٹینک بنائے جا رہے تھے۔ تعمیر مکمل ہونے کے بعد راما ڈیم سے لائے جانے والے پانی سے ٹینک کی صلاحیت کی جانچ کی جا رہی تھی۔ ضرورت سے زیادہ دباؤ کی وجہ سے ٹینک زور دار دھماکے سے پھٹ گیا جس سے پورا ڈھانچہ منہدم ہو گیا۔ وہاں موجود کارکن ملبے تلے دب گئے۔ ان میں سے چھ کا تعلق بہار سے تھا، اور نو زخمی ہوئے۔ واقعہ کی اطلاع ملتے ہی پولیس، فائر ڈیپارٹمنٹ اور ڈیزاسٹر مینجمنٹ ٹیمیں جائے وقوعہ پر پہنچ گئیں۔ راحت اور بچاؤ کی کارروائیاں کی گئی، ملبہ ہٹایا گیا اور پھنسے ہوئے کارکنوں کو بچا لیا گیا۔ مرنے والوں کی شناخت اروند ٹھاکر (28)، اشوک پٹیل (42)، اجے پاسوان (26)، سدھانشو کمار سہنی (36)، بلیٹ اندراجیت ساہ (30) اور شمیم ​​انصاری (42) کے طور پر کی گئی ہے۔ ویسے مہاراشٹر حکومت میں مرنے والوں کے اہل خانہ کو 5 5 لاکھ روپے دینے کا اعلان کیا ئ