تاثیر 4 جنوری ۲۰۲۶:- ایس -ایم- حسن
سنبھل، 4 جنوری : اتر پردیش میں سنبھل ضلع کے اسمولی تھانہ علاقے کے گاؤں سلیم پور سالار میں جسے حاجی پور کے نام سے بھی جانا جاتا ہے، مسجد کمیٹی کی جانب سے سرکاری زمین پر بنائی گئی مسجد کو منہدم کرنے کے بعد ضلع انتظامیہ نے 20 غریب اور نادار افراد کو زمین الاٹ کردی۔ضلع انتظامیہ نے قانونی طور پر تعمیر شدہ مسجد کو گرانے کے لیے آج کی ڈیڈ لائن دی تھی۔ نوٹس ملنے کے بعد مسجد کو ہتھوڑے سے گرا کر ملبہ ہٹا دیا گیا۔ اتوار کو ایک سرکاری ٹیم گاؤں پہنچی۔ ٹیم نے سرکاری اراضی پر بنائے گئے مدرسے کے خلاف کارروائی کی اور 20 مستحق غریب اور نادار افراد کو مفت زمین الاٹ کی۔ کارروائی کے دوران ضلع مجسٹریٹ ڈاکٹر راجیندر پنسیا اور پولیس سپرنٹنڈنٹ کرشنا کمار بشنوئی کے ساتھ بڑی تعداد میں پولیس اہلکار اور انتظامی اہلکار موجود تھے۔