تاثیر 15 جنوری ۲۰۲۶:- ایس -ایم- حسن
بارہ بنکی، 15 جنوری : اتر پردیش کے ضلع بارہ بنکی ضلع کے کرسی تھانہ علاقے میں دو روز قبل راشٹریہ لوک دل کے ریاستی سکریٹری افسر علی قتل کرنے کے ارادے سے فائرنگ کرنے والے باپ-بیٹے پولیس نے گرفتارکر لیا ہے ۔ پولیس نے ملزم سے ایک پستول اور ایک زندہ کارتوس بھی برآمد کی ہے۔
گرفتاری کے بعد دونوں باپ بیٹے کو جیل بھیج دیا گیا ہے۔ پولیس کے مطابق، بارہ بنکی کے گاؤں لوہار کے رہنے والے زبیر ولد بابو اور اس کے بیٹے عبید کو گرفتار کیا گیا۔ انہوں نے جائیداد کے تنازعہ پر راشٹریہ لوک دل کے ریاستی سکریٹری افسر علی کو گولی مار کر زخمی کر دیا تھا۔ دونوں فائرنگ کے واقعے میں مطلوب تھے۔ پولیس نے انہیں رات دیر گئے گرفتار کرلیا۔