تاثیر 16 جنوری ۲۰۲۶:- ایس -ایم- حسن
کوئٹہ (بلوچستان) 16 جنوری: پاکستان کے شورش زدہ صوبہ بلوچستان میں باغیوں اور حکومت کے درمیان بڑھتے ہوئے تنازعات کے درمیان، وزیر داخلہ محسن نقوی نے صوبائی وزیر اعلیٰ سرفراز بگٹی کے ہمراہ پاک فوج کے فرنٹیئر کور کے شمالی بلوچستان ہیڈ کوارٹر کا دورہ کیا۔
ایک میڈیا رپورٹ کے مطابق نقوی نے بلوچستان کے بڑے حصوں میں حالات پر قابو پانے اور باغیوں کو دبانے پر کور کے سپاہیوں کی تعریف کی۔ اس موقع پر شمالی بلوچستان ہیڈ کوارٹر کے انچارج انسپکٹر جنرل میجر جنرل محمد عاطف مجتبیٰ بھی موجود تھے۔ قائدین نے بلوچستان میں شورش پسندوں کے ہاتھوں شہید ہونے والے فوجیوں کو خراج عقیدت پیش کرنے کے لیے ہیڈ کوارٹر کمپلیکس میں شہداء کی یادگار پر گلہائے عقیدت پیش کئے۔