تاثیر 12 فروری ۲۰۲۶:- ایس -ایم- حسن
گوہاٹی، 12 فروری (ہ س)۔ آسام میں داخل 16 دراندازوں کو گزشتہ رات بنگلہ دیش واپس بھیج دیا گیا۔ یہ جانکاری وزیر اعلیٰ ڈاکٹر ہیمنت بسوا سرما نے سوشل میڈیا پوسٹ میں دی ہے۔
وزیر اعلیٰ نے کہا ہے کہ ماضی میں اپوزیشن حکومت ووٹ بینک کے مفاد میں پچھلے دروازے سے نامعلوم لوگوں کو آسام میں دراندازی کرنے کی سہولت فراہم کرتی تھی۔ آج آسام حکومت ریاست کے باشندوں کے وجود اور حفاظت کی خاطر نامعلوم دراندازوں کے خلاف پوری طرح سے قدم اٹھا رہی ہے۔ یہ آج سبھی کے سامنے ہے۔ ہمارے اسی قدم کے سبب گزشتہ رات آسام میں غیر قانونی طور پر داخل 16 بنگلہ دیشی شہریوں کو جس راستے سے آئے تھے اسی راستے سے واپس ان کے ملک بھیج دیا گیا ہے۔
قابل ذکر ہے کہ آسام سے ملحقہ بنگلہ دیش کی سرحد پر جہاں بی ایس ایف کے جوان سرحد کی حفاظت میں تعینات ہیں، وہیں آسام پولیس بھی کسی طرح کی دراندازی کو روکنے کے لیے اپنی جانب سے ہر ممکن قدم اٹھا رہی ہے۔