سچن تندولکر کی موجودگی میں بینک آف بڑودہ کا ’لیڈرشپ اِن ایکشن‘

بینک آف بروڈا نے 13 فروری 2026 کو اپنے پروگرام ’لیڈرشپ اِن ایکشن‘ کا انعقاد کیا، جس میں عالمی شہرت یافتہ کرکٹر Sachin Tendulkar نے بطور گلوبل برانڈ ایمبیسیڈر شرکت کی۔ پروگرام کا مقصد بہترین کارکردگی دکھانے والے قائدین کی حوصلہ افزائی اور ملازمین میں قائدانہ صلاحیتوں کو فروغ دینا تھا۔ تقریب میں بینک کے بورڈ آف ڈائریکٹرز، کارپوریٹ دفتر اور مختلف علاقوں کے سینئر عہدیداران بھی موجود تھے۔

تقریب کے دوران سچن تندولکر کے ساتھ قیادت کے موضوع پر خصوصی نشست اور سوال و جواب کا سیشن منعقد ہوا، جس میں انہوں نے کھیل کے میدان سے حاصل ہونے والے تجربات کی روشنی میں نظم و ضبط، ٹیم ورک، دباؤ میں درست فیصلے اور اقدار پر مبنی طرزِ عمل کو کامیاب قیادت کی بنیاد قرار دیا۔

اس موقع پر بینک نے مسلسل عمدہ کارکردگی اور کسٹمر تعلقات کو بہتر بنانے میں نمایاں کردار ادا کرنے والے 10 علاقائی سربراہان اور 25 زونل سربراہان کو اعزاز سے نوازا۔ بینک کے چیف جنرل منیجر شری شیلندر سنگھ نے کہا کہ یہ پروگرام مؤثر قیادت، بہتر کارکردگی اور مثبت دفتری ثقافت کے فروغ کے عزم کی عکاسی کرتا ہے۔