ہولی کے بعد ٹرینوں میں زبردست رش، ریزرویشن بوگی کی حالت بھی جنرل جیسی

دربھنگہ(فضا امام):- ہولی کی چھٹی کے بعد ٹرینوں میں مسافروں کا دباؤ کافی بڑھ گیا ہے۔ ریزرو بوگی کی حالت عام بوگی جیسی ہو گئی ہے۔ زیادہ تر ٹرینوں میں کنفرم ریزرویشن دستیاب نہیں ہے۔ صورتحال یہ ہے کہ ہولی پر دہلی، ممبئی، کولکاتا،پنجاب وغیرہ شہروں سے گھر آنے والے لوگ ٹرین سے واپسی کے لیے پسینہ چھوٹ رہے ہیں۔ویٹنگ لسٹ کے مسافروں کی سیٹوں کو کنفرم نہیں کی جا رہی ہے۔ یہاں تک کہ اسپیشل ٹرینوں میں بھی سیٹوں کے لیے ویٹنگ چل رہی ہے۔ مارچ کے مہینے میں کئی ٹرینوں میں سلیپر اور اے سی میں ویٹنگ جاری ہے۔ بہار سمپرک کرانتی، سواتنترتا سینانی، پون ایکسپریس، متھیلانچل ایکسپریس اور گنگا ساگر ایکسپریس کے علاوہ دربھنگہ سے مہانگر جانے والی دیگر بڑی ٹرینیں مارچ کے مہینے تک سلیپر اور اے سی میں ویٹنگ جاری ہیں۔ اگرچہ اس تہوار کے موقع پر ریلوے انتظامیہ کی جانب سے کئی خصوصی ٹرینیں چلائی گئی ہیں لیکن ان ٹرینوں میں کسی بھی زمرے میں مخصوص سیٹیں دستیاب نہیں ہیں۔ہولی پر کسی طرح گھر پہنچ گئے، لیکن واپسی کی ٹرین میں کنفرم سیٹ نہ ملنے کی وجہ سے پریشانی بڑھ گئی ہے۔ ایسی صورتحال میں تتکال ٹکٹ ہی واحد سہارا ہے۔ اب مسافروں کو تتکال ٹکٹ کے لیے 12 سے 14 گھنٹے قطار میں کھڑا ہونا پڑتا ہے۔ کنفرم ٹکٹ حاصل کرنے کے لیے لوگ شام 7 بجے سے صبح 10 بجے تک ریزرویشن کاؤنٹر کے پاس نمبر لگا کر کھڑے ہونے پر مجبور ہیں۔ اس کے بعد بھی کنفرم ٹکٹ نہ ملنے کی وجہ سے مایوسی ہی ہے۔ ہولی کے بعد کام پر لوٹنے والے لوگوں کے رش کے پیش نظر ہوائی ٹکٹ کی قیمتیں آسمان کو چھونے لگی ہیں۔ دوسری طرف ہولی کے بعد کام پر واپس لوٹنے والے لوگوں کی بڑھتی ہوئی تعداد کے باعث فضائی سفر بھی مہنگا ہو گیا ہے۔ دربھنگہ، پٹنہ اور قریبی ہوائی اڈوں سے دہلی، ممبئی اور دیگر بڑے شہروں کے لیے فلائٹ ٹکٹ کی قیمتیں کئی گنا بڑھ گئی ہیں۔ عام دنوں کے مقابلے میں ٹکٹ کی قیمتیں اتنی زیادہ ہو گئی ہیں کہ عام مسافروں کے لیے ہوائی سفر کرنا بھی مشکل ہو گیا ہے۔ اس طرح ٹرینوں میں سیٹ نہ ملنے اور فلائٹ ٹکٹ مہنگے ہونے کی وجہ سے مسافر دوہری پریشانی کا سامنا کر رہے ہیں۔