تاثیر 08 مارچ ۲۰۲۶:- ایس -ایم- حسن
نئی دہلی، 08 مارچ:۔ پارلیمنٹ کے بجٹ اجلاس کا دوسرا مرحلہ پیر 9 مارچ کو شروع ہوگا اور 2 اپریل تک جاری رہے گا۔ بجٹ اجلاس کے دوسرے مرحلے کے آغاز کے ساتھ ہی اسپیکر اوم برلا کے خلاف اپوزیشن کی تحریک عدم اعتماد (نوٹس) کل لوک سبھا میں پیش کی جائے گی۔ حزب اختلاف کے ارکان پارلیمنٹ محمد جاوید، کے سریش اور ڈاکٹر ملو روی ایوان میں تحریک پیش کریں گے۔ دریں اثنا، بھارتیہ جنتا پارٹی (بی جے پی) نے 9 اور 10 مارچ کے لیے وہپ جاری کیا ہے۔ دوسری طرف کانگریس نے اپنے تمام اراکین اسمبلی کو 9 سے 11 مارچ تک ایوان میں موجود رہنے کا وہپ جاری کیا ہے۔
پچھلے مہینے، بجٹ اجلاس کے پہلے مرحلے کے دوران، اپوزیشن نے لوک سبھا کے سکریٹری جنرل کے خلاف عدم اعتماد کی تحریک پیش کی، جس میں اسپیکر پر متعصبانہ انداز میں کام کرنے کا الزام لگایا اور ان کی برطرفی کا مطالبہ کیا۔ اس تحریک پر کانگریس، سماج وادی پارٹی، ڈی ایم کے، بائیں بازو کی جماعتوں اور دیگر کے ارکان سمیت 118 ارکان پارلیمنٹ نے دستخط کئے تھے۔
بحث کے دوران اوم برلا اپنے اوپر لگائے گئے الزامات کا جواب اسپیکر کے پوڈیم سے نہیں بلکہ حکمراں پارٹی کے ارکان کے ساتھ ایوان کے فلور سے دے سکیں گے۔ ایوان کی کارروائی ڈپٹی ا سپیکر یا پینل آف چیئرپرسن کے ممبر کے ذریعے چلائی جاتی ہے۔ فی الحال لوک سبھا میں ڈپٹی اسپیکر کا عہدہ خالی ہے، اس لیے پینل کے اراکین پارلیمنٹ کارروائی کریں گے۔