تاثیر 09 مارچ ۲۰۲۶:- ایس -ایم- حسن
جموں، 09 مارچ : جموں و کشمیر اور لداخ ہائی کورٹ نے رجسٹری حکام کو ہدایت دی ہے کہ وہ مین کیس فائلز، انٹرلوکیوٹری ایپلیکیشنز (آئی اے)، کیویٹس اور دیگر متعلقہ دستاویزات کی فائلوں پر درست نمبرنگ کو یقینی بنائیں تاکہ عدالتی کارروائی کے دوران کسی قسم کی دشواری پیش نہ آئے۔ رجسٹرار جنرل ایم کے شرما کی جانب سے جاری ایک سرکلر کے مطابق یہ مشاہدہ کیا گیا ہے کہ عدالت کے سامنے پیش ہونے والے کئی مقدمات میں رجسٹریشن کے بعد مین کیس نمبرز، آئی اے نمبرز اور کیویٹ نمبرز فائلوں میں مقررہ جگہوں پر درج نہیں کیے جا رہے تھے جس کے باعث سماعت کے دوران مشکلات پیدا ہو رہی تھیں۔