تاثیر 12 مارچ ۲۰۲۶:- ایس -ایم- حسن
نارائن پور، 12 مارچ : چھتیس گڑھ کے نارائن پور ضلع میں نارائن پور-اورچھا مین روڈ پر جھارا گھاٹ گاو¿ں کے قریب جمعرات کی دیر رات ایک خوفناک سڑک حادثہ پیش آیا، جس میں ایک تیز رفتار پک اپ الٹنے سے 3 افراد جاں بحق اور 15 سے زائد شدید طور پر زخمی ہوگئے۔
حادثے میں دو خواتین سمیت کل تین افراد کی موت ہو گئی۔ 15 سے زائد دیگر افراد کے شدید زخمی ہونے کی اطلاع ہے۔ جاں بحق ہونے والوں میں میاں بیوی شامل ہیں۔ اطلاع ملنے پر زخمیوں کو 108 سنجیونی ایمبولینس کی مدد سے علاج کے لیے نارائن پور ضلع اسپتال میں داخل کرایا گیا۔عینی شاہدین کے مطابق نارائن پور اورچھا مین روڈ کافی عرصے سے خستہ حالی کا شکار ہے۔ سڑک کی خستہ حالی اور ڈرائیوروں کی غفلت کے باعث اس راستے پر آئے روز حادثات ہو رہے ہیں۔
نارائن پور پولیس نے اطلاع دی کہ حادثہنارائن پور-اورچھا مین روڈ پر واقع جھارا گھاٹ گاو¿ں کے قریب رات 9 بجے کے فوراً بعد پیش آیا۔ رائنار کے علاقے سے واپس آنے والے کمرشیل پک اپ ٹرک پر 30 سے زائد افراد سوار تھے۔ گاڑی بے قابو ہو کر جائے وقوعہ پر ہی الٹ گئی جس کے نتیجے میں یہ المناک حادثہ پیش آیا۔ حادثے میں میاں بیوی سمیت تین افراد جاں بحق ہوگئے۔ حادثے کی اطلاع ملتے ہی قریبی جھارا پولیس اسٹیشن کی پولیس اور سیکورٹی اہلکار فوری طور پر جائے وقوعہ پر پہنچے اور راحت اور بچاو¿ کا کام شروع کیا۔