تاثیر 25 مارچ ۲۰۲۶:- ایس -ایم- حسن
بھاگلپور (منہاج عالم) جنتا دل یونائیٹڈ (جے ڈی یو) کے ضلعی صدر ویویکانند گپتا کی قیادت میں پارٹی لیڈروں اور کارکنوں کے ایک وفد نے پٹنہ میں صوبائی صدر امیش سنگھ کشواہا سے خیر سگالی ملاقات کی۔ اس موقع پر انہیں بھاگلپور کی مشہور لوک فن کاری ‘منجوشا پینٹنگ’ بطور تحفہ پیش کی گئی۔بہار اسٹیٹ فوڈ کمیشن کے چیئرمین پہلاد سرکار نے اس موقع پر کہا کہ جے ڈی یو ایک مضبوط اور منظم جماعت ہے جو ہمیشہ ترقی اور سماجی انصاف کے لیے کام کرتی ہے۔
نئی کمیٹی کی تشکیل: ضلعی صدر ویویکانند گپتا نے بتایا کہ صوبائی صدر کے ساتھ بھاگلپور میں پارٹی کی تنظیم سازی پر تبادلہ خیال ہوا اور جلد ہی نئی ضلعی کمیٹی تشکیل دی جائے گی۔
اس ملاقات کے دوران بہار اسٹیٹ فوڈ کمیشن کے رکن مہادیو منڈل، ہیرا پانڈے، صوبائی ترجمان (تعلیمی سیل) پروفیسر ڈاکٹر آنند یادو اور سابق اسمبلی انچارج کنال رتن پریا سمیت دیگر عہدیداران بھی موجود تھے۔