تاثیر 30 مارچ ۲۰۲۶:- ایس -ایم- حسن
نئی دہلی، 29 مارچ:دارالحکومت میں منشیات کے کاروبار کے خلاف ایک بڑے کریک ڈاؤن میں، دہلی پولیس کی کرائم برانچ کی انسداد منشیات ٹاسک فورس نے منشیات کے ایک منظم نیٹ ورک کا پردہ فاش کیا ہے۔ پولیس نے اس کارروائی میں تقریباً 4.5 کروڑ روپے کی سائیکو ٹراپک منشیات ضبط کی ہیں۔ اس معاملے میں ایک نابالغ سمیت چار ملزمان کو گرفتار کیا گیا ہے۔
کرائم برانچ کے ڈپٹی کمشنر آف پولیس راہل الوال نے اتوار کو کہا کہ شمال مشرقی دہلی میں منشیات کی کھیپ پہنچنے کی اطلاع کی بنیاد پر انسپکٹر پروین راٹھی کی قیادت میں ایک ٹیم نے جوہری پور روڈ پر جال بچھا دیا۔ موٹر سائیکل سوار نوجوان کو نابالغ کے ساتھ پکڑ ا گیا۔ ملزم کی شناخت نتن پاٹھک (20) کے طور پر ہوئی ہے۔