کولکاتا میں جے آئی ایس یونیورسٹی کا عالمی مینجمنٹ کانکلیو منعقد

کولکاتا، 04/ اپریل (تاثیر بیورو) جے آئی یونیورسٹی کے شعبۂ مینجمنٹ اسٹڈیز کے زیر اہتمام دو روزہ بین الاقوامی مینجمنٹ لٹریری کانکلیو 2026 کا کامیاب انعقاد عمل میں آیا، جس کا موضوع “کوانٹم تھنکنگ کے ذریعے مینجمنٹ کی نئی تشکیل” تھا۔ کانکلیو میں جدید مینجمنٹ چیلنجز کو کوانٹم نظریات، پیچیدگی کے سائنسی اصولوں اور ابھرتی ہوئی ٹیکنالوجی کے تناظر میں زیر بحث لایا گیا۔ تقریب میں متعدد ممتاز شخصیات نے شرکت کی، جن میں اتری بھٹاچاریہ، اجئے کمار رے، شیو سدھانت کول، ترنجیت سنگھ، برون چندرا اور سدیشنا رائے سمیت دیگر اہم شخصیات شامل تھیں۔

کانکلیو کی خاص بات “کلپنا کتھا او کہانی II” پروگرام رہا، جس میں طلبہ نے “سائنس، مذہب اور بزنس مینجمنٹ پر اثرات” کے موضوع پر فلمی پیشکشیں کیں۔ اس کے علاوہ مباحثے، ورکشاپس اور انٹرایکٹو سیشنز کے ذریعے مستقبل کی قیادت اور تنظیمی ڈھانچے پر سیر حاصل گفتگو ہوئی۔ اختتامی اجلاس میں منتظمین نے اس عزم کا اعادہ کیا کہ ادارہ بین الشعبہ جاتی تعلیم، تنقیدی فکر اور اختراعی صلاحیتوں کے فروغ کے لیے اپنی کوششیں جاری رکھے گا۔