تاثیر 4 اپریل ۲۰۲۶:- ایس -ایم- حسن
امراوتی، 4 اپریل:چاندور بازار میں پولیس نے غیر قانونی گٹکھا کاروبار کے خلاف کارروائی کرتے ہوئے ایک پک اپ گاڑی سمیت تقریباً 16 لاکھ روپے مالیت کا گٹکھا ضبط کر کے ایک ملزم کو گرفتار کر لیا ہے۔پولیس کو اطلاع ملی تھی کہ ایک پک اپ گاڑی کے ذریعے بڑی مقدار میں ممنوعہ گٹکھا کی نقل و حمل کی جا رہی ہے، جس پر چاندور بازار پولیس نے جال بچھا کر گاڑی کو روک لیا اور تلاشی کے دوران بھاری مقدار میں گٹکھا، خوشبودار تمباکو اور مستانی پیکٹس برآمد کیے۔ کارروائی کے دوران پولیس نے گاڑی کے ڈرائیور مجس شیرخان (ساکن پٹھان چوک، امراوتی) کو حراست میں لے لیا، جبکہ ضبط شدہ مال کی مجموعی مالیت تقریباً 16 لاکھ 60 ہزار روپے بتائی جا رہی ہے۔ملزم کے خلاف مقدمہ درج کر لیا گیا ہے اور مزید تحقیقات جاری ہیں۔ اس کارروائی میں آئی پی ایس افسر ساگر بھامرے، پولیس انسپکٹر اشوک جادھو، الہاس راٹھوڑ، ونود انگلے، روپیش شریواس سمیت دیگر پولیس اہلکاروں نے اہم کردار ادا کیا۔ہندوستھان سماچار