تاثیر 10 اپریل ۲۰۲۶:- ایس -ایم- حسن
نئی دہلی، 9 اپریل : انڈین پریمیئر لیگ (آئی پی ایل) 2026 میں بدھ کی رات گجرات ٹائٹنز اور دہلی کیپٹلز کے درمیان ہونے والے سنسنی خیز مقابلے نے اورنج اور پرپل کیپ ریس کو بھی متاثر کیا۔ پلے آف کی دوڑ میں تیزی آنے کے ساتھ ساتھ کھلاڑیوں کی پرفارمنس نے پوائنٹس ٹیبل میں ہلچل مچا دی ہے۔
پرپل کیپ
روی بشنوئی (راجستھان رائلز) تین میچوں میں 11.71 کی اوسط سے سات وکٹوں کے ساتھ بدستور سرفہرست ہیں۔
پچھلے سیزن کے پرپل کیپ کے فاتح پرسدھ کرشنا نے دہلی کیپٹلس کے خلاف چار اوور میں 52 رن دے کر دو وکٹیں لے کر دوسرے نمبر پر چلے گئے۔ انہوں نے میچ کی پہلی گیند پر وکٹ حاصل کی اور احمد آباد میں 210 کے ہدف کے دفاع میں اہم کردار ادا کیا۔ آخری گیند پر دو رن بچانے کی کوشش میں انہوں نے ڈیوڈ ملر کو دھیمی گیند سے دھوکہ دیا جس کے نتیجے میں وہ رن آو¿ٹ ہوئے اور ٹیم کی فتح یقینی بنائی۔
سیزن کے 14ویں میچ کے بعد چھ بولرز پانچ پانچ وکٹوں کے ساتھ تیسرے نمبر پر ہیں: راشد خان، لونگی نگیڈی، وجے کمار ویشاک، انشول کمبوج، ناندرے برگر اور جیکب ڈفی۔
اورنج کیپ
یشسوی جیسوال (راجستھان رائلز) نے ممبئی انڈینز کے خلاف 32 گیندوں پر ناقابل شکست 77 رن بنا کر اورنج کیپ جیتی۔ جیسوال نے تین اننگز میں 170 رن بنائے اور صرف ایک بار آو¿ٹ ہوئے۔
انہوں نے سمیر رضوی کو پیچھے چھوڑ دیا، جو 160 رن کے ساتھ دوسرے نمبر پر ہیں اور انہوں نے سیزن کا مضبوط آغاز کیا ہے۔
آٹھ دیگر بلے باز بھی 100 رن کا ہندسہ عبور کر چکے ہیں۔ ٹاپ پانچ میں ہینرک کلاسن (سن رائزرز حیدرآباد)، ویبھو سوریاونشی، اور روہت شرما (ممبئی انڈینز) شامل ہیں۔