تاثیر 12 اپریل ۲۰۲۶:- ایس -ایم- حسن
نئی دہلی، 11 اپریل: پانچویں پی ایس پی بی بابا دیپ سنگھ باسکٹ بال ٹورنامنٹ (مرد اور خواتین)کے پانچویں دن ہفتے کے روز دلچسپ مقابلے دیکھنے کو ملے ۔ایس جی ٹی بی خالصہ ایلومنی اور کیروڑی مل کالج نے اپنے اپنے میچوں میں جیت درج کی۔ یہ ٹورنامنٹ ایس جی ٹی بی خالصہ کالج کے میدان پر کھیلا جا رہا ہے۔
مردوں کے ایک میچ میں، کیروڑی مل کالج نے ایمٹی یونیورسٹی کو 92-49 کے بڑے فرق سے شکست دی۔ کیروڑی مل کالج کے ہاردک نے شاندار کارکردگی کا مظاہرہ کیا جس کے سبب انہیں میچ کا بہترین کھلاڑی قرار دیا گیا۔
ایک اور میچ میں ایس جی ٹی بی خالصہ ایلومنی نے رامجس کالج کو 81-60 سے شکست دی۔ خالصہ ایلومنی کے مکیش نے شاندار کھیل کا مظاہرہ کیا اور انہیں پلیئر آف دی میچ سے نوازا گیا۔
خواتین کے زمرے میں بھی سخت مقابلہ دیکھنے میں آیا۔ گارگی کالج نے میتری کالج کو 59-29 سے ہرا کر شاندار جیت درج کی۔ گارگی کالج کی کنیکا کو ان کی شاندار کارکردگی پر پلیئر آف دی میچ کا ایوارڈ دیا گیا۔