تاثیر 15 اپریل ۲۰۲۶:- ایس -ایم- حسن
نئی دہلی، 15 اپریل:۔ کیروڑی مل کالج نے منگل کی رات دہلی یونیورسٹی کے سری گرو تیغ بہادر خالصہ کالج میں منعقدہ 5ویں پی ایس پی بی بابا دیپ سنگھ باسکٹ بال ٹورنامنٹ کا مردوں کا خطاب جیت لیا۔
فائنل مقابلہ کافی دلچسپ رہاجو اضافی وقت میں پہنچا۔ آخر کار، کیروڑی مال کالج نے میزبان خالصہ کالج کو 79-78 کے انتہائی قریبی فرق سے شکست دے کر خطاب اپنے نام کیا۔
کیروڑی مال کالج کے دیو کپور کو فائنل میں شاندار کارکردگی کے لیے ’مین آف دی میچ‘ قرار دیا گیا، جبکہ خالصہ کالج کے ہاردک شرما کو پورے ٹورنامنٹ میں شاندار کارکردگی کے لیے ’پلیئر آف دی ٹورنامنٹ‘ سے نوازا گیا۔
ساوتھ کیمپس کی ڈائریکٹر پروفیسر رجنی ابی ایوارڈ تقریب کی مہمان خصوصی تھیں۔ ان کے ساتھ دہلی باسکٹ بال ایسوسی ایشن کے صدر مکیش کالیا، پی ایس پی بی کے مشیر للت وتس، ڈی بی اے کے جنرل سکریٹری اشوک رنگین اور ڈی یو ایس سی کے اسسٹنٹ ڈائریکٹر ڈاکٹر سشیل کمار بھی موجود تھے۔
اس موقع پر کالج کے پرنسپل پروفیسر گروموہندر سنگھ اور ڈی پی ای ڈاکٹر اندرپریت کور بھی موجود تھیں۔