تاثیر 29 اپریل ۲۰۲۶:- ایس -ایم- حسن
پٹنہ، 29 اپریل : بہار کے گورنر لیفٹیننٹ جنرل (ریٹائرڈ) سید عطا حسنین اور وزیر اعلیٰ سمراٹ چودھری نے بدھ کے روز پونائی چک پارک میں بہادر بھاماشاہ کے آدم قد مجسمے پرگلہائے عقیدت پیش کیے۔
اس موقع پر نائب وزیر اعلیٰ وجے کمار چودھری، سابق گورنر گنگا پرساد، بی جے پی کے ریاستی صدر اور ایم ایل اے سنجے سراؤگی، سابق وزیر اور ایم ایل اے شرون کمار، قانون ساز کونسلر للن صراف، قانون ساز کونسلر کمود ورما اور کئی دیگر سیاسی و سماجی کارکنوں نے بھی بھاماشاہ کے مجسمے پرگلپوشی کر خراج عقیدت پیش کیا۔