تاثیر 8 مئی ۲۰۲۶:- ایس -ایم- حسن
ضلع ترقیاتی مشاورتی کمیٹی کا اجلاس منعقد
بھوپال، 08 مئی: نائب وزیراعلیٰ اور ضلع شہڈول کے انچارج وزیر راجیندر شکلا نے کہا ہے کہ ضلع میں مختلف محکموں کے زیرِ اہتمام زیرِ تعمیر ترقیاتی کاموں میں تیزی لا کر انہیں مقررہ وقت میں مکمل کیا جائے۔ انہوں نے کہا کہ حکومت کی طرف سے منظور شدہ ترقیاتی کاموں کو زمینی سطح پر موثر طریقے سے نافذ کرنا انتہائی ضروری ہے۔ ترقیاتی کاموں کی تکمیل سے ضلع شہڈول کی ترقی کو نئی رفتار ملے گی۔ مذکورہ ہدایات نائب وزیراعلیٰ اور ضلع کے انچارج وزیر شکلا نے جمعہ کو سرکٹ ہاوس بان ساگر میں منعقدہ ضلع ترقیاتی مشاورتی کمیٹی کے اجلاس میں محکمانہ افسران کو دیں۔
نائب وزیراعلیٰ شکلا نے شہڈول-امریا روڈ اور بیوہاری کے وجے سوتا پل کی تعمیر میں متوقع پیش رفت نہیں ہونے پر سخت ناراضگی کا اظہار کیا۔ انہوں نے کہا کہ شہڈول-امریا روڈ، بیوہاری کے وجے سوتا پل، بھنی آبپاشی پروجیکٹ جیسے دیگر اہم ترقیاتی کاموں کی پیش رفت کا جائزہ کلکٹر وقتِ مقررہ (ٹائم لمٹ) کے اجلاس میں لازمی طور پر کریں اور جلد سے جلد مکمل کر کے عام لوگوں کو ان سہولیات کا فائدہ پہنچائیں۔ انہوں نے کہا کہ مدھیہ پردیش حکومت کے منظور کردہ ترقیاتی کاموں پر زمینی سطح پر کام کرنے کی شدید ضرورت ہے۔