تاثیر 17 جون ۲۰۲۶:- ایس -ایم- حسن
نئی دہلی،16جون:صحت و خاندانی بہبود کی وزارت نے گزٹ نوٹیفکیشن جی ایس آر 927 ( ای ) مورخہ 29 دسمبر 2025 کے ذریعے ادویات کیقوانین، 1945 میں ترمیم کا نوٹیفکیشن جاری کیا ہے۔ یہ ہندوستان کے گزٹ (غیر معمولی) کے حصہ II، سیکشن 3، سب سیکشن (i)، مورخہ 30 دسمبر 2025 کو شائع ہوا تھا، جس میں شیڈول کے کالم 13، انٹری 7 کے تحت‘‘ادویات کی قسم’’ کے عنوان سے لفظ ’’سیرپ‘‘ کو حذف کر دیا گیا ہے۔ادویات کے قانون 1945 کے شیڈول کے میں مخصوص اقسام کی ادویات کے لیے ڈرگز اینڈ کاسمیٹکس ایکٹ، 1940 اور اس کے تحت بنائے گئے قواعد کی بعض شقوں سے استثنا فراہم کیا گیا ہے۔ اس ترمیم سے پہلے، شیڈول کے کے اندراج نمبر 13 کے تحت 1,000 سے کم آبادی والے گاؤں میں کھانسی کے سیرپ کی فروخت کی اجازت تھی، جس کے لیے ریٹیل فروخت کے لائسنس سے متعلق بعض تقاضوں کی پابندی ضروری نہیں تھی۔