تاثیر 21 جون ۲۰۲۶:- ایس -ایم- حسن
اوریا، 20 جون: اتر پردیش کے اوریا ضلع کے دبیا پور قصبے کے وکاس کنج علاقے میں ہفتہ کے روز اس وقت غم و غصہ چھا گیا جب ٹھیکیدار پرم ہنس پانڈے اور ان کے انجینئر بیٹے پشپندر پانڈے – جو ایک سڑک حادثے میں اپنی جان سے ہاتھ دھو بیٹھے تھے، کی ارتھیاں اٹھیں۔ باپ بیٹے کی آخری الوداعی کے دلخراش منظر نے سب کی آنکھیں نم کر دیں۔ اہل خانہ کی آہوں اور غم کے درمیان پورا محلہ سوگ میں ڈوب گیا۔ جمعہ کی صبح متھرا کے قریب یمنا ایکسپریس وے پر ایک خوفناک سڑک حادثے میں دونوں کی موت ہوگئی۔