تاثیر 26 جون ۲۰۲۶:- ایس -ایم- حسن
جودھ پور، 26 جون: راجستھان ہائی کورٹ نے جیسلمیر ضلع کے رام گڑھ میں پیر محمد شاہ جیلانی درگاہ کے بارے میں حکومت سے جواب طلب کیا ہے۔ انہدامی نوٹس کے خلاف دائر درخواست کی سماعت کرتے ہوئے عدالت نے جواب کا حکم دے دیا۔ حکومت نے ہائی کورٹ سے جواب داخل کرنے کے لیے مہلت مانگی ہے۔ تعطیلی بنچ کے جج جسٹس بلجیندر سنگھ سندھو نے اگلی سماعت 29 جون کو مقرر کی ہے۔ بنچ نے درخواست گزار کو نوٹس کا جواب دینے کی آزادی بھی دی ہے۔
درخواست میں کہا گیا ہے کہ درگاہ تقریباً 200 سال پرانی ہے اور طویل عرصے سے مذہبی سرگرمیوں کا مرکز رہی ہے۔ عقیدت مندوں کی بڑی تعداد روزانہ مزار پر آتی ہے، اور مقامی انتظامیہ سالانہ عرس کی تقریب کی اجازت دے رہی ہے۔ عرضی گزار نے یہ بھی بتایا کہ درگاہ کے قریب واقع قبرستان کو دیکھتے ہوئے، گرام پنچایت نے 2021 میں تین بیگھہ اراضی مختص کرنے کے لیے ایک قرارداد پاس کی تھی، جو ابھی زیر التوا ہے۔