تاثیر 8 جولائی ۲۰۲۶:- ایس -ایم- حسن
وینکوور، 08 جولائی: فیفا ورلڈ کپ 2026 کے پری کوارٹر فائنل میں سوئٹزرلینڈ نے منگل کے روز سنسنی خیز مقابلے میں کولمبیا کو پنالٹی شوٹ آوٹ میں 3-4 سے ہرا کر آخری آٹھ میں جگہ بنا لی۔ مقررہ 90 منٹ اور اضافی 30 منٹ کا کھیل بغیر کسی گول کے برابری پر ختم ہونے کے بعد مقابلے کا فیصلہ پنالٹی شوٹ آوٹ سے ہوا۔
پنالٹی شوٹ آوٹ میں سوئٹزرلینڈ کے گول کیپر گریگور کوبیل نے کچو ہرنانڈیز کی پنالٹی روک کر ٹیم کی جیت کی بنیاد رکھی۔ اس سے پہلے کولمبیا کے ڈیونسن سانچیز کی پنالٹی کراس بار سے ٹکرا گئی تھی۔ سوئٹزرلینڈ کے مینوئل اکانجی اپنی پنالٹی چوک گئے، لیکن روبن ورگاس نے فیصلہ کن کک کو گول میں تبدیل کرتے ہوئے ٹیم کو تاریخی جیت دلا دی۔
اس جیت کے ساتھ سوئٹزرلینڈ نے 1954 کے بعد پہلی بار ورلڈ کپ کے کوارٹر فائنل میں جگہ بنائی۔ اب اس کا سامنا دفاعی چیمپئن ارجنٹینا سے ہوگا۔ دوسری طرف، کولمبیا کا دوسری بار ورلڈ کپ کے کوارٹر فائنل میں پہنچنے کا خواب ٹوٹ گیا۔ اس سے پہلے اس نے 2014 کے ورلڈ کپ میں آخری آٹھ میں جگہ بنائی تھی، لیکن اس بار پنالٹی شوٹ آوٹ میں ملی شکست کے ساتھ اس کا سفر ختم ہو گیا۔