تاثیر 22 جولائی ۲۰۲۶:- ایس -ایم- حسن
جموں، 22 جولائی: جموں و کشمیر نیشنل کانفرنس کے رکن پارلیمان میاں الطاف احمد کی سرکاری گاڑی بدھ کے روز جموں پونچھ شاہراہ پر تودے کی زد میں آ گئی، تاہم وہ اس واقعے میں بال بال بچ گئے۔
ذرائع کے مطابق میاں الطاف احمد حالیہ موسلادھار بارشوں اور سیلاب سے متاثرہ علاقوں کا دورہ کرنے جا رہے تھے کہ راستے میں مٹی کا تودہ گرنے کے باعث ان کی گاڑی پھنس گئی۔ تاہم رکن پارلیمان بحفاظت گاڑی سے باہر نکل آئے اور انہیں کوئی چوٹ نہیں آئی۔
میاں الطاف احمد نے واقعے کے باوجود اپنا سفر جاری رکھا اور متاثرہ علاقے تک پیدل پہنچ کر صورتحال کا جائزہ لیا اور متاثرہ لوگوں سے ملاقات کی۔