تاثیر 24 جولائی ۲۰۲۶:- ایس -ایم- حسن
نئی دہلی، 24 جولائی: عام آدمی پارٹی (اے اے پی) کے قومی کنوینر اور دہلی کے سابق وزیر اعلی اروند کیجریوال نے وزیر اعظم نریندر مودی کے پیپر لیک کے معاملات کے لیے فاسٹ ٹریک عدالتوں سے متعلق قانون متعارف کرانے کے وعدے پر سوال اٹھایا اور اسے “کھوکھلا” قرار دیا۔ انہوں نے الزام لگایا کہ اگر تفتیشی ایجنسی عدالت میں خاطر خواہ ثبوت پیش نہیں کرتی ہے تو فاسٹ ٹریک عدالتوں کے قیام کا کوئی جواز نہیں ہے۔
جمعہ کو جاری ایک بیان میں، اروند کیجریوال نے کہا کہ وزیر اعظم نے پیپر لیک کے معاملات میں تیزی سے ٹرائل کے لیے فاسٹ ٹریک عدالتیں قائم کرنے کی بات کی، لیکن نیٹ پیپر لیک معاملے میں، سی بی آئی نے مبینہ طور پر عدالت کو بتایا کہ اسے ملزم سنجیو مکھیا کے خلاف کافی ثبوت نہیں ملے۔ انہوں نے سوال کیا کہ اگر سنجیو مکھیا ماسٹر مائنڈ نہیں ہے تو اصل ماسٹر مائنڈ کون ہے اور اگر ماسٹر مائنڈ نہیں ہے تو پیپر لیک کیسے ہوا؟