تاثیر 29 جولائی ۲۰۲۶:- ایس -ایم- حسن
اسلام آباد، 29 جولائی: پاکستان کے شورش زدہ صوبہ بلوچستان میں مسلح افراد نے برکھان کے ڈپٹی کمشنر سمیت چار افراد کو قتل کر دیا۔ دیگر تین ہلاک ہونے والے مبینہ طور پر اسکواڈ کے ارکان تھے۔ دریں اثنا، صوبائی حکومت نے ضلع نوشکی میں نافذ کرفیو میں 31 جولائی تک توسیع کر دی ہے۔
دی بلوچستان پوسٹ اور دنیا نیوز کی رپورٹس کے مطابق ضلع برکھان میں گھاٹہ چوک کے قریب مسلح افراد نے ناکہ بندی کر کے گاڑیوں کی چیکنگ کی۔ وہ برکھان کے ڈپٹی کمشنر مرید بگتی اور ان کے محافظوں کو اپنے ساتھ لے گئے۔ وزیر داخلہ بلوچستان کے ترجمان کے مطابق مسلح افراد نے بعد میں ڈپٹی کمشنر مرید بگتی کو قتل کر دیا۔
تربت کے علاقے دارمکول پیڈرک میں آج نامعلوم مسلح موٹرسائیکل سواروں نے فائرنگ کرکے تین افراد کو قتل کردیا۔ پولیس حکام نے واقعے کی تصدیق کرتے ہوئے جاں بحق ہونے والوں کی شناخت شاہ بیگ، امان اللہ اور الطاف حسین کے نام سے کی ہے۔ مقامی ذرائع کے مطابق مرنے والے وفاقی حکومت کے زیر اہتمام ڈیتھ اسکواڈ کے رکن تھے۔ ڈپٹی کمشنر اور ان تین افراد کے قتل کی ذمہ داری تاحال کسی تنظیم نے قبول نہیں کی۔