تاثیر 31 جولائی ۲۰۲۶:- ایس -ایم- حسن
بھاگلپور، 31 جولائی : ضلع کے سلطان گنج میں عالمی مشہور شراونی میلہ کے دوران کانوڑیوں کی حفاظت اور سہولت کو یقینی بنانے کے لیے ضلع انتظامیہ پوری طرح سے تیار ہے۔ساون کے مہینے کے دوسرے دن جمعہ کے روز بھاگلپور سٹی کے ایس پی اتلیش کمار جھا نے سلطان گنج میلہ علاقے کا وسیع پیمانے پر معائنہ کیا۔معائنہ کے دوران انہوں نے ہندوستان اور بیرون ملک سے آنے والے لاکھوں یاتریوں کے لئے سیکورٹی انتظامات، ہجوم کے انتظام اور ٹریفک کے انتظامات کا قریب سے جائزہ لیا۔معائنہ کے دوران سٹی ایس پی نے سلطان گنج میں مختلف گھاٹوں،کانوڑیا پتھ، مین کنٹرول روم اور چوراہوں کا دورہ کیا۔ انہوں نے ڈیوٹی پر موجود پولیس افسران اور اہلکاروں کو چوکس رہنے کی ہدایت کی۔