تاثیر 06 اگست ۲۰۲۶:- ایس -ایم- حسن
بھاگلپور، 6 اگست: غیر قانونی شراب کے خلاف چلائی گئی خصوصی مہم کے حصہ کے طور پر ایکسائز تھانہ نے ایک بڑی کامیابی حاصل کی ہے۔ خفیہ اطلاع پر کارروائی کرتے ہوئے ایکسائز تھانہ انچارج پرمود کمار داس کی قیادت میں ایک ٹیم نے جمعرات کے روز نوگچھیا تھانہ علاقہ کے گودھی ٹولہ (وارڈ 14) میں چھاپہ ماری کی۔ دشوار گزار علاقہ ہونے کی وجہ سے پولیس ٹیم نے آپریشن کو انجام دینے کے لیے کشتی کے ذریعے کوسی ندی کو عبور کیا۔ چھاپہ ماری کے دوران پولیس نے تقریباً 4000 لیٹر جاوا مہوا محلول، 140 لیٹر تیار شراب، اور شراب بنانے کے کئی آلات برآمد کئے۔برآمد شدہ جاوا مہوا محلول اور مینوفیکچرنگ میٹریل کو پولیس نے موقع پر ہی تباہ کر دیا۔ غیر قانونی شراب کی تیاری میں ملوث مرکزی ملزم پولیس کی موجودگی کو بھانپتے ہی فرار ہونے میں کامیاب ہوگیا۔ اس معاملے میں ایکسائز تھانہ نے نوگچھیا کے رہنے والے سدا سنگھ کے خلاف ایکسائز ایکٹ کے تحت ایف ا?ئی ا?ر درج کی ہے۔