تاثیر 17 اگست ۲۰۲۶:- ایس -ایم- حسن
چنئی، 17 اگست: تمل ناڈو میں پلاٹ پروجیکٹ کے پہلے پلاٹ اور اپارٹمنٹ پروجیکٹ میں پہلے گھر کی فروخت سے متعلق دستاویزات کی رجسٹریشن کے لیے آن لائن پریزنس لیس رجسٹریشن (بغیر موجودگی کے رجسٹریشن) کو لازمی بنانے کے عمل کا آغاز وزیراعلیٰ وجے نے پیر کو کیا۔ سکریٹریٹ میں منعقدہ پروگرام کے دوران انہوں نے کمرشل ٹیکس اور رجسٹریشن محکمہ کی اس نئی سہولت کا افتتاح کیا۔
ریاستی حکومت کی جانب سے جاری پریس ریلیز کے مطابق، نئے نظام کے تحت پلاٹ پروجیکٹ میں پہلے پلاٹ کی فروخت اور اپارٹمنٹ پروجیکٹ میں پہلے گھر کی فروخت سے متعلق دستاویزات کی رجسٹریشن اب صرف آن لائن پریزنس لیس رجسٹریشن کے ذریعے کی جائے گی۔ اس کا مقصد رجسٹریشن کے عمل کو آسان، شفاف اور زیادہ سہل بنانا ہے۔