تاثیر 26 اگست ۲۰۲۶:- ایس -ایم- حسن
نئی دہلی، 26 اگست: مرکزی وزیر کرن رجیجو نے بدھ کے روز الزام عائد کیا کہ آسام کے وزیر اعلیٰ ہیمنت بسوا سرما اور ان کی اہلیہ پر جھوٹے الزامات لگانے کے سبب کانگریس لیڈر پون کھیڑا کو راجیہ سبھا کی نشست دی گئی۔ انہوں نے کہا کہ الزامات کا الٹا اثر ہوا، لیکن کھیڑا راجیہ سبھا پہنچ گئے، حالانکہ وہ اس کے حقدار نہیں تھے۔
سوشل میڈیا پر جاری بحث کے درمیان مرکزی وزیر رجیجو نے یہ الزام عائد کیا۔ انہوں نے کہا، ’’کانگریس کے دو سینئر رہنماؤں نے مجھے بتایا کہ راہل گاندھی نے پون کھیڑا سے آسام انتخابات کے آخری وقت میں ہیمنت بسوا اور رینیکی جی (ہیمنت کی اہلیہ) کے خلاف جھوٹے الزامات لگانے کو کہا تھا۔ جب یہ جھوٹ الٹا پڑ گیا تو کھیڑا کو انعام کے طور پر راجیہ سبھا کی نشست دے دی گئی، جس کے وہ حقدار نہیں تھے!‘‘