تاثیر 04 ستمبر ۲۰۲۶:- ایس -ایم- حسن
بھاگلپور، 4 ستمبر: گنگا ندی کے جاری شدید کٹاو? نے کھارک بلاک کے راگھو پور علاقے میں تشویش پیدا کردی ہے۔ کٹاو? مسلسل پھیل رہا ہے، جس سے راگھو پور کے وجود اور ریلوے لائن کی حفاظت کو شدید خطرہ لاحق ہے۔ صورتحال کی سنگینی کو دیکھتے ہوئے محکمہ ا?بی وسائل جنگی بنیادوں پر امدادی کارروائیاں کر رہا ہے۔ اس کے باوجود ندی کا کٹاو? ابھی تک رکنے کے ا?ثار نہیں دکھا رہا ہے۔بتایا جاتا ہے کہ کٹاو? پہلے تقریباً 30 سے40 میٹر تک محدود تھا، اب تقریباً 400 سے 500 میٹر تک پھیل گیا ہے۔ کٹاو? کی مسلسل توسیع راگھو پور پشتے اور ا?س پاس کے علاقوں کے لیے خطرہ بڑھا رہی ہے۔ یہی وجہ ہے کہ ضلع انتظامیہ سے لے کر ریاستی حکومت تک ہر کوئی صورتحال پر گہری نظر رکھے ہوئے ہے۔
راگھوپور میں کٹاو? کی صورتحال کی وزیر اعلیٰ سطح پر نگرانی کی جا رہی ہے۔ محکمہ ا?بی وسائل کے انجینئر اور سینئر افسران، ضلع مجسٹریٹ اور نوگچھیا کے پولیس سپرنٹنڈنٹ کے ساتھ بھی کٹاو? کی جگہ کا مسلسل معائنہ کر رہے ہیں۔حکام نے جاری امدادی کارروائیوں کا جائزہ لیا اور انجینئرکو ضروری رہنمائی فراہم کی۔ راگھو پور پشتے کے قریب کٹاو? کی شدت اس وقت مزید بڑھ گئی جب درگا مندر بھی ندی کے کٹاو? سے متاثر ہوا۔ مندر کے منہدم ہونے کے بعد انتظامی اور محکمہ جاتی افسران فوری طور پر جائے وقوعہ پر پہنچے اور صورتحال کا جائزہ لیا۔ کٹاو? اب شدت اختیار کر گیا ہے کیونکہ کٹاو ریلوے لائن کی طرف بڑھ رہا ہے۔