تاثیر 08 ستمبر ۲۰۲۶:- ایس -ایم- حسن
نئی دہلی، 8 ستمبر: عالمی ادارہ صحت (ڈبلیو ایچ او) کی جنوب مشرقی ایشیا کی علاقائی کمیٹی کے 79 ویں اجلاس میں ہندوستان کی صحت عامہ کی کامیابیوں کو نمایاں طور پر دکھایا گیا۔ مرکزی وزیر صحت جے پی نڈا نے ہندوستان کی جانب سے ورلڈ ہیلتھ آرگنائزیشن جنوب مشرقی ایشیا کے دو باوقار علاقائی ایوارڈ حاصل کیے۔
ایوارڈ حاصل کرنے کے بعد خوشی کا اظہار کرتے ہوئے جے پی نڈا نے ایکس پر کہا کہ بھارت کو گزشتہ دہائی سے زچگی اور نوزائیدہ ٹیٹنس کے خاتمے اور بنیادی صحت کی دیکھ بھال کے ذریعے غیر متعدی بیماریوں سے مؤثر طریقے سے نمٹنے میں اس کی قیادت کے لیے اعزاز حاصل ہوا ہے۔