تاثیر 09 ستمبر ۲۰۲۶:- ایس -ایم- حسن
دہرادون، 9 ستمبر: اگلے پانچ دنوں تک اتراکھنڈ میں مون سون فعال رہنے کی پیش گوئی کی گئی ہے۔ محکمہ موسمیات نے 10 اور 13 ستمبر کے درمیان ریاست کے کئی اضلاع میں شدید بارش کی پیش گوئی کرتے ہوئے گرج چمک اور بجلی گرنے کا انتباہ بھی جاری کیا ہے۔ پہاڑی علاقوں میں لینڈ سلائیڈنگ، چٹانوں کے گرنے اور سڑکوں کی بندش کے امکان کے پیش نظر لوگوں پر زور دیا گیا ہے کہ وہ احتیاط برتیں۔
دارالحکومت دہرادون میں بدھ کو موسم صاف تھا اور دوپہر تک دھوپ تھی۔ تاہم آسمان ابر آلود رہا۔ صبح کے وقت موسم نسبتا صاف تھا اور لوگوں کو بارش سے راحت ملی۔محکمہ موسمیات کے مطابق دہرادون میں بارش اور گرج چمک کے ساتھ جزوی طور پر ابر آلود رہنے کا امکان ہے۔
محکمہ موسمیات کی جانب سے بدھ کو جاری کردہ بلیٹن کے مطابق 10 ستمبر کو دہرادون، ٹہری گڑھوال، نینی تال، باگیشور اور پتھورا گڑھ اضلاع میں الگ الگ مقامات پر شدید بارش ہو سکتی ہے۔ اس دوران ریاست کے تمام اضلاع میں الگ الگ مقامات پر گرج چمک کے ساتھ تیزہوائیں اورشدیدبارش کا امکان ہے۔