تاثیر28 اکتوبر ۲۰۲۶:- ایس -ایم- حسن
جھانسی، 28 اکتوبر: الہ آباد۔جھانسی حلقہ گریجویٹ ایم ایل سی انتخابات 2026 میں سماج وادی پارٹی (ایس پی) کے امیدوار ڈاکٹر مان سنگھ یادو نے بڑی کامیابی حاصل کی ہے۔ انہوں نے بھارتیہ جنتا پارٹی کے امیدوار اشوک کمار راٹھور کو 27,663 ووٹوں کے فرق سے شکست دی۔ بدھ کو بندیل کھنڈ کالج (بی کے ڈی) میں دوسرے دن کی گنتی مکمل ہونے کے بعد جاری حتمی نتائج کے مطابق، مان سنگھ یادو کو 60,358 ووٹ ملے، جبکہ اشوک کمار راٹھور کے حق میں 32,695 ووٹ پڑے۔گنتی کے دوران ایس پی امیدوار کی برتری مسلسل بڑھتی رہی۔ ساتویں مرحلے تک مان سنگھ یادو بی جے پی امیدوار سے 18,639 ووٹ آگے تھے۔ اس وقت تک 84,052 ووٹوں کی گنتی مکمل ہو چکی تھی۔ مان سنگھ یادو کو 44,897 اور اشوک کمار راٹھور کو 26,258 ووٹ ملے تھے۔ تیسرے مقام پر رہنے والے شیو شنکر پٹیل کو اس مرحلے تک 3,226 ووٹ حاصل ہوئے تھے۔ووٹوں کی گنتی کے ابتدائی مرحلے میں صورت حال مختلف تھی۔ پہلے مرحلے میں بی جے پی امیدوار اشوک کمار راٹھور نے 984 ووٹوں کی برتری حاصل کی، لیکن دوسرے مرحلے میں ایس پی امیدوار نے واپسی کرتے ہوئے 150 ووٹوں کی سبقت حاصل کر لی۔ تیسرے مرحلے میں ڈاکٹر مان سنگھ یادو کی برتری بڑھ کر 2,225 ووٹ ہو گئی۔