Taasir Urdu News Network – Syed M Hassan 8th Feb
پٹنہ ، 08 فروری :وزیر اعلیٰ نتیش کمار کی صدارت میں بدھ کے روز سہ پہر ہوئی کابینہ کی میٹنگ میں کل 18 ایجنڈوں کو منظوری دی گئی۔ اب ریاست کے مڈل اور ہائی اسکولوں میں کمپیوٹر اساتذہ کو بحال کیا جائے گا۔ اس کے لیے ریاستی حکومت نے 7,360 آسامیاں تخلیق کی ہیں۔تمام مڈل اور ہائی اسکولوں میں کمپیوٹر ٹیچر کی ایک ایک پوسٹ بنائی گئی ہے۔
نتیش کابینہ میں محکمہ توانائی ، آرٹ ، کلچر اور یوتھ ڈپارٹمنٹ ، شہری ترقیات اور محکمہ ہاؤسنگ ، پسماندہ طبقات اور انتہائی پسماندہ طبقات کی بہبود ، ماحولیات ، جنگلات اور موسمیاتی تبدیلی ، محکمہ ریونیو اور لینڈ ریفارمز ، محکمہ صحت، محکمہ جنرل ایڈمنسٹریشن ، تعلیم سمیت دیگر محکموں سے متعلقہ اہم ایجنڈوں پر مہر ثبت کردی گئی ہے۔ وزیر اعلیٰ نتیش کمار ان دنوں اپنے سمادھان یاترا پر ہیں۔ جس کی وجہ سے کابینہ کا اجلاس طویل وقفے کے بعد ہوا۔ اس سے قبل کابینہ کا اجلاس 27 جنوری کو ہوا تھا۔
نتیش کابینہ کی میٹنگ میں محکمہ بجلی کے لیے گوپال گنج میں دو نئے سب اسٹیشنوں کے لیے 123.83 کروڑ روپے کے نئے منصوبے کو منظوری دی گئی ہے۔ اس کے علاوہ این ڈی ا?ئی۔ جیم مقابلے کے انعقاد کے لیے 6 کروڑ کی منظوری دی گئی ہے۔ جن نائک کرپوری ٹھاکر ہاسٹل کی تعمیر کے لیے بہار اسٹیٹ پل تعمیر نگم لمیٹڈ کے لیے 6,71,72,000 کروڑ روپے منظور کیے گئے ہیں۔ اس کے ساتھ ساتھ سائنس اینڈ ٹیکنالوجی کے شعبہ کے تحت چلنے والے 38 ریاستی انجینئرنگ کالجوں اور 46 ریاستی پولی ٹیکنک انسٹی ٹیوٹ میں معیار کی بہتری کے پروگرام کے تحت پی ایچ ڈی اور ایم ٹیک ڈگری میں داخلہ لینے کے لیے اساتذہ کو اجازت اور چھٹی دے دی گئی ہے۔
اس کے علاوہ محکمہ صحت کے تحت سرکاری آیورویدک ، یونانی اور ہومیوپیتھک کالجوں میں ایسوسی ایٹ پروفیسر اور پروفیسر کی خالی ا?سامیوں پر کنٹریکٹ کی بنیاد پر نئے عہدوں کی منصوبہ بندی ، ترقی اور تقرری کی منظوری دی گئی ہے۔ اس کے ساتھ ہی محکمہ جنرل ایڈمنسٹریشن کی جانب سے کئی عہدوں کو ختم کرنے کا فیصلہ کیا گیا ہے۔ اس کے ساتھ ہی بہار کاسٹ اور دیگر فاریسٹ پروڈیوس ٹرانزٹ ریگولیشن ترمیمی قواعد 2023 کو منظوری دی گئی ہے۔
کھگڑیا میں چوتھے زون میں جواہر نوودیہ ودیالیہ کھگڑیا کے قیام کے لیے مفت اراضی ٹرانسفر کی گئی ہے۔ روہتاس عدلیہ کے تحت سب ڈویڑنل کی سول کورٹ میں 10 عدالتی عمارتوں کی تعمیر کے لیے 33 کروڑ 81 لاکھ 82 ہزار روپے کی منظوری دی گئی ہے۔ ریٹائرڈ انجینئر ان چیف کے سکریٹری ٹیکنیکل راکیش کمار کو اگلے ایک سال کے لیے کنٹریکٹ کی بنیاد پر اسی عہدے پر یا انجینئر ان چیف-کم-ایڈیشنل کمشنر-کم-اسپیشل سیکرٹری، ایڈیشنل کے عہدے پر باقاعدہ ترقی تک مقرر کیا جائے گا۔ انجینئر-کم-ایڈیشنل کمشنر کے چیف-کم-سپیشل سکریٹری کے چارج کی منظوری دے دی گئی ہے۔
کمرشیل ٹیکس ڈپارٹمنٹ کی طرف سے پروفیشن ٹیکس میں کمی سے جمع ہونے والی 75 کروڑ روپے کی رقم کو بہار کے میونسپل اداروں کے درمیان ا?بادی کی بنیاد پر گرانٹ ان ایڈ کی صورت میں خرچ کرنے کی منظوری دی گئی ہے۔ اس کے ساتھ ہی اسٹیشن کی تعمیر اور پٹنہ میٹرو ریل پروجکٹ کے الائنمنٹ کے لیے ریاستی حکومت کی اراضی شہری ترقی اور ہاو?سنگ ڈیپارٹمنٹ کو منتقل کر دی گئی ہے۔