Taasir Urdu News Network – Syed M Hassan 07 APRIL
نئی دہلی، 07 اپریل: کانگریس لیڈران راہل گاندھی اور پرینکا گاندھی سے ملاقات کے ایک دن بعد، پنجاب کانگریس کے سابق سربراہ نوجوت سنگھ سدھو نے جمعہ کو پارٹی صدر ملکارجن کھرگے اور پارٹی کے جنرل سکریٹری انچارج کمیونیکیشن جے رام رمیش سے ملاقات کی۔ انہوں نے کھرگے کوپسماندہ لوگوں کے لیے ایک چیمپئن اورسچ کی آواز قرار دیا۔ سدھو، جنہوں نے ملکارجن کھرگے کا آشیرواد لیا، کہا کہ انہوں نے پارٹی میں نئی جان پھونکی ہے۔نوجوت سنگھ سدھو نے اپنے آفیشل ٹویٹر ہینڈل پر لکھا کہ 9 بار ایم ایل اے، تین بار ممبر پارلیمنٹ، پسماندہ لوگوں کے لیے چیمپئن، سچائی کی آواز… معتبر شخص تمہارا نام ملکارجن کھرگے ہے، ملاقات کی اور عزت مآب کا آشیرواد لیا۔ جمعرات کو، راہل گاندھی اور پارٹی جنرل سکریٹری پرینکا گاندھی واڈرا سے ملاقات کے بعد، سدھو نے کہا کہ انہیں جیل میں ڈالا جا سکتا ہے یا ڈرایا جا سکتا ہے لیکن وہ پنجاب یا ان کے لیڈروں کے تئیں اپنی وابستگی سے پیچھے نہیں ہٹیں گے۔ سدھو کو 1988 کے روڈ ریج کیس میں جیل کی مدت پوری کرنے کے بعد یکم اپریل کو پٹیالہ جیل سے رہا کیا گیا تھا۔10 مہینے کے بعد جیل سے باہر نکلتے ہوئے سدھو نے مرکز پر طعنہ زنی کرتے ہوئے الزام لگایا تھا کہ ملک میں جمہوریت زنجیروں میں جکڑی ہوئی ہے اور ادارے غلام بن چکے ہیں۔ سدھو نے مقتول گلوکار سدھو موسی والا کی سیکیورٹی میں کٹوتی اور اسے عام کرنے پر بھی مان حکومت پر حملہ کیا۔سدھو کو پنجاب میں گزشتہ سال ہونے والے اسمبلی انتخابات سے پہلے پنجاب کانگریس کا سربراہ مقرر کیا گیا تھا، جس میں نئی آنے والی عام آدمی پارٹی (اے اے پی) نے کانگریس کو اقتدار سے باہر کر دیا تھا۔ راہل گاندھی اور پرینکا گاندھی کے کہنے پر سدھو کانگریس میں شامل ہوئے اوروہ سابق رکن پارلیمنٹ راہل کو اپنا سرپرست مانتے ہیں۔
