سلمان کا جان سے مارنے کی دھمکیوں پر سیدھا جواب دینے سے گریز۔

Taasir Urdu News Network – Syed M Hassan 06 APRIL

بالی ووڈ کے بھائی جان سلمان خان کو گزشتہ چند ماہ سے مسلسل جان سے مارنے کی دھمکیاں مل رہی ہیں۔ اس سے پہلے سلمان نے اس معاملے پر کوئی ردعمل نہیں دیا تھا۔ سلمان نے بالآخر پہلی بار اس معاملے پر اپنی خاموشی توڑی ہے، لیکن ابھی تک انہوں نے کوئی سیدھا جواب نہیں دیا۔حال ہی میں سلمان نے ایک پریس کانفرنس میں شرکت کی، جس میں ان سے انہیں ملنے والی دھمکیوں کے بارے میں پوچھا گیا۔ اس پر سلمان نے دھمکی کا سیدھا جواب دینے سے گریز کرتے ہوئے کہا کہ میں کسی کا بھائی ہوں تو کسی کی جان۔روہت گرگ نامی نوجوان نے یہ دھمکی سلمان خان کے قریبی دوست کو ای میل بھیج کر دی ہے۔ جیل کی سزا کاٹ رہے گینگسٹر لارنس بشنوئی نے دعویٰ کیا کہ ’’اس کی زندگی کا مقصد سلمان خان کو قتل کرنا ہے۔‘‘ سلمان خان کو دھمکی آمیز ای میل موصول ہونے کے بعد ممبئی پولیس نے بدنام زمانہ گینگسٹر لارنس بشنوئی اور گولڈی برار کے خلاف مقدمہ درج کر لیا ہے۔ سلمان خان کی رہائش گاہ کے باہر بھی سیکورٹی بڑھا دی گئی ہے۔