TAASIR NEWS NETWORK- SYED M HASSAN -5 MAY
سڈنی، 05 مئی: آسٹریلیا میں پھر ایک اور ہندو مندر کو نشانہ بنایا گیا ہے۔ اس بار سڈنی میں سوامی نارائن مندر پر خالصتان کے حامیوں نے حملہ کیا ہے اور توڑ پھوڑ کی ہے۔ شرپسندوں نے مندر کے دروازے پر جھنڈا لہرا دیا اور دیوار پر بھارتی وزیراعظم نریندر مودی کے خلاف نعرے لکھے ہیں۔
یہ حملہ مغربی سڈنی کے مضافاتی علاقے روز ہل میں واقع سوامی نارائن مندر میں ہوا۔ حملہ کرنے کے بعد خالصتانی حامی بھاگ گئے۔ جمعہ کی صبح جب مندر انتظامیہ سے وابستہ لوگ پوجا کے لیے پہنچے تو توڑ پھوڑ دیکھنے میں آئی۔ اطلاع ملنے پر پولیس نے پہنچ کر تفتیش شروع کردی۔مندر انتظامیہ نے کہا ہے کہ مندر کی دیواروں پر تباہی اور نفرت انگیز نعرے لکھے گئے تھے۔ حملے کی مذمت کرتے ہوئے انتظامیہ نے کہا کہ وہ اس افسوسناک واقعے سے حیران ہے۔ اس سے قبل جنوری میں میلبورن میں سوامی نارائن مندر میں بھی خالصتان کے حامیوں نے توڑ پھوڑ کی تھی۔
