TAASIR NEWS NETWORK- SYED M HASSAN –25 MAY
ممبئی 25 مئی: پونے کے بھوانی پیٹھ کے لکڑا بازار میں جمعرات کی صبح آگ لگنے سے لاکھوں روپے کا سامان جل کر خاکستر ہو گیا۔ واقعے کی اطلاع ملتے ہی فائر بریگیڈ کے عملے نے فوری طور پر موقع پر پہنچ کر آگ پر قابو پالیا۔ واقعے میں کسی جانی نقصان کی اطلاع نہیں ہے۔
پولیس کے مطابق بھوانی پیٹھ میں واقع لکڑا بازار کے ایک لکڑی کے گودام میں آج صبح 4.14 بجے آگ لگ گئی اور کچھ ہی دیر میں آگ نے پورے لکڑا بازار کو اپنی زد میں لے لیا۔ واقعے کی اطلاع ملتے ہی فائر بریگیڈ کی 18 گاڑیاں موقع پر پہنچ گئیں اور کافی کوششوں کے بعد آگ پر قابو پالیا گیا۔
اس وقت جائے حادثہ پر کولنگ کا کام جاری ہے۔ واقعے میں کوئی جانی نقصان نہیں ہوا تاہم لاکھوں روپے کا سامان جل گیا۔ آگ لگنے کی اصل وجہ تاحال معلوم نہیں ہوسکی، پولیس آگ لگنے کی وجہ جاننے کی کوشش کر رہی ہے۔
