تاثیر،۲۳ نومبر۲۰۲۳:- ایس -ایم- حسن
جے پور،23؍نومبر:راجستھان کے وزیر اعلی اشوک گہلوت نے جمعرات کو دعویٰ کیا کہ ریاست میں ان کی حکومت کے خلاف کوئی ‘اینٹی انکمبنسی’ لہر نہیں ہے۔ انہوں نے امید ظاہر کی کہ ریاست میں ایک بار پھر کانگریس کی حکومت بنے گی۔ انہوں نے یہاں نامہ نگاروں سے کہا، ”راجستھان میں حکومت کے خلاف کوئی مخالف لہر نہیں ہے… ہماری حکومت دوبارہ بننے والی ہے۔ “ریاست میں اسمبلی انتخابات کے لیے ووٹنگ 25 نومبر کو ہونی ہے اور ووٹوں کی گنتی 3 دسمبر کو ہوگی۔لال ڈائری اور مہادیو بیٹنگ ایپ جیسے معاملات کی جانچ سپریم کورٹ کے ریٹائرڈ جج سے کرائی جائے کیونکہ راجستھان، چھتیس گڑھ کے انتخابات جیتنے کی بی جے پی کی ‘سازش’ ہے۔سی ایم گہلوت نے کہا، “عوام جانتے ہیں کہ ہم نے اپنی 10 ضمانتیں پوری کی ہیں۔ عوام کو اگلی 7 ضمانتوں کے لیے ہم پر بھروسہ ہے… راجستھان میں آپ کو کوئی نہیں بتائے گا کہ حکومت کے خلاف کوئی ‘اینٹی انکمبنسی’ ہے۔ یہ ہماری سب سے بڑی کامیابی ہے۔ راجستھان ملک کی پہلی ریاست ہے جہاں کسی بھی طرح کی حکومت مخالف لہر نہیں ہے۔انہوں نے دعویٰ کیا، ’’ہماری حکومت دوبارہ بننے والی ہے۔‘‘ گہلوت نے کہا، ’’کانگریس نے اپنے منشور میں جو وعدے کیے ہیں، لوگ پرجوش ہیں۔ اس کے بارے میں، جبکہ وہ بی جے پی کے منشور سے مایوس ہیں۔” آنجہانی کانگریس لیڈر راجیش پائلٹ پر وزیر اعظم نریندر مودی کے تبصرہ کا جواب دیتے ہوئے گہلوت نے کہا کہ گجر برادری کو اکسایا جا رہا ہے۔