تاثیر،۲۵ دسمبر۲۰۲۳:- ایس -ایم- حسن
ممبئی ، 25دسمبر: روہت شرما جنوبی افریقہ میں کھیلی جانے والی دو میچوں کی ٹیسٹ سیریز کے لیے بطور تی کپتان موجود ہیں۔ 26 دسمبر (کل) سے شروع ہونے والی ٹیسٹ سیریز سے قبل روہت شرما نے پریس کانفرنس کی، جس میں انہوں نے اگلے سال کھیلے جانے والے ٹی 20 ورلڈ کپ 2024 میں کھیلنے کا اشارہ دیا۔ اس سے قبل تمام میڈیا رپورٹس میں یہ دعویٰ کیا جا رہا تھا کہ روہت شرما ٹی 20 ورلڈ کپ میں ہندوستانی ٹیم کا حصہ نہیں ہوں گے۔روہت شرما نے پریس کانفرنس میں کہا کہ جو کچھ بھی میرے سامنے ہے، میں اسے کھیلنے کا منتظر ہوں۔ روہت شرما نے جو کہا اس سے یہ واضح ہو رہا ہے کہ وہ 2024 میں کھیلے جانے والے ٹی 20 ورلڈ کپ میں کھیل سکتے ہیں۔تاہم ابھی تک اس حوالے سے کسی قسم کی کوئی باضابطہ اطلاع نہیں ہے۔ اب یہ دیکھنا دلچسپ ہوگا کہ روہت شرما 2024 کا ٹی ٹوئنٹی ورلڈ کپ کھیلتے ہیں یا نہیں۔اس کے علاوہ ہندوستانی کپتان نے جنوبی افریقہ کے خلاف ٹیسٹ سیریز میں کے ایل راہل کے بارے میں کہا کہ انہیں کے ایل راہل پر بھروسہ ہے۔ وہ نمبر چار اور پانچ پر اچھی بلے بازی کرتا ہے۔ وہ ٹیسٹ میں وکٹ کیپنگ کر سکتے ہیں۔ میں جانتا ہوں کہ وہ کب تک ایسا کر سکتا ہے۔ٹیم کے اہم فاسٹ بولر محمد شامی کے بارے میں روہت شرما نے کہا کہ گزشتہ 5 سے 7 سالوں میں ہندوستانی تیز گیند باز نے غیر ملکی سرزمین پر اچھی کارکردگی کا مظاہرہ کیا ہے، ہم اس ٹیسٹ میں شامی کو یاد کریں گے۔ نوجوان بالر ان کی جگہ لینے کی کوشش کریں گے۔ اگرچہ یہ آسان نہیں ہوگا۔تیسرے باؤلر کے بارے میں بھارتی کپتان نے کہا کہ پرسد ھ کرشنا اور مکیش کمار نے اچھی کارکردگی دکھائی ہے۔ ہمارے پاس بمراہ اور سراج ہیں۔ اب دیکھنا یہ ہے کہ ہمیں سوئنگ کی ضرورت ہے یا سیم کی، ہمیں کس قسم کے باؤلر کی ضرورت ہوگی، اس کا فیصلہ ہم پچ دیکھ کر کریں گے۔ٹیسٹ کھیلنے والی ٹیم میں موجود کھلاڑیوں کے حوالے سے ہٹ مین کا کہنا تھا کہ کھلاڑی ٹیسٹ کھیلنا چاہتے ہیں۔ میں چاہتا ہوں کہ کھلاڑی زیادہ سے زیادہ ٹیسٹ کھیلیں،کیوں کہ ٹیسٹ کھیلنے سے کھلاڑیوں کی مہارت کا پتہ چلتا ہے۔