سی پی ایس گروپ کے چیئرمین ڈاکٹر ہریندر سنگھ اعزاز سے نوازے گئے

چھپرہ (نقیب احمد)

14ویں قومی یوم رائے دہندگان کے موقع پر ضلع انتظامیہ کے زیراہتمام آڈیٹوریم میں منعقدہ مرکزی تقریب میں سی پی ایس گروپ کے چیئرمین ڈاکٹر ہریندر سنگھ کو اعزاز سے نوازا گیا۔انہیں مہمان خصوصی کم کمشنر سروان ایم نے ان کے خصوصی تعاون کے لئے مومنٹو پیش کرتے ہوئے اعزاز سے نوازا۔واضح رہے کہ گزشتہ مہینوں میں ڈاکٹر ہریندر سنگھ کی رہنمائی میں سی پی ایس کے طلباء نے ضلع میں ووٹر بیداری کے حوالے سے کئی پروگرام منعقد کیے تھے۔خاص طور پر 10ویں سے 12ویں جماعت کے طلباء نے اپنے گھر،گلی اور محلے میں خصوصی آگاہی مہم چلا کر ووٹر لسٹ میں تقریباً 500 نئے ووٹرز کا اندراج کیا۔اسٹریٹ ڈرامے کے ذریعے عام لوگوں میں بھی خصوصی آگاہی پھیلائیں۔ووٹر ڈے کے موقع پر بھی سی پی ایس کی طالبات نے آڈیٹوریم میں ڈرامہ ‘میرا ووٹ میری سرکار’ پیش کر مہمانوں کی داد حاصل کی۔اعزاز پانے کے بعد سی پی ایس گروپ کے چیئرمین نے اس مہم میں شامل ہونے پر اسکول کے تمام اساتذہ،والدین اور طلباء کا شکریہ ادا کیا۔اس موقع پر ضلع کونسل کی صدر جے مترا دیوی،میونسپل کارپوریشن کمشنر سمیت کمار،اے ڈی ایم محمد ممتاز عالم،اے ڈی ایم، پی جی آر او سنجے کمار،ڈائرکٹر ڈی آر ڈی اے قیوم انصاری،ڈی ایم ڈبلیو او رجنیش کمار رائے اور تمام ضلعی سطح کے افسران اور دانشور،طلباء اور نئے رجسٹرڈ ووٹرز موجود تھے۔