آئی ایس سی سی ایم کی ٣٠ ویں سالانہ کانفرنس کولکتہ میں منعقد ہوگی

کولکاتا ٢٩/ فروری (تاثیر بیورو) انڈین سوسائٹی آف کریٹیکل کیئر میڈیسن (ISCCM) کولکتہ میں اپنی 30ویں سالانہ کانفرنس ‘کرٹیکیئر 2024’ منعقد کرے گی۔ جس میں قومی اور بین الاقوامی ماہرین کولکتہ میں ہونے والی اس تین روزہ کانفرنس کے دوران مکمل بات چیت، موضوعاتی سیشنز، پینل ڈسکشنز اور دیگر مختلف انٹرایکٹو سیشنز کی شکل میں اپنے علم اور تجربے کا اشتراک کریں گے۔ کانفرنس میں ملک کے مختلف حصوں سے قومی مندوبین کے ساتھ ساتھ امریکہ، فرانس، سویڈن، بنگلہ دیش، سنگاپور، دبئی، اسپین، کینیڈا، بیلیز، انڈونیشیا، ہالینڈ، پولینڈ، اٹلی، سری لنکا کے بین الاقوامی مندوبین کی شرکت متوقع ہے۔

اس سلسلے میں کانفرنس کے تعلق سے معلومات فراہم کرنے والوں میں پروفیسر شیلا نینان مہاپاترا، صدر، آئی ایس سی سی ایم، اور آرگنائزنگ چیئرپرسن، پردیپ کمار بھٹاچاریہ، صدر منتخب، ISCCM، اور چیئرمین، سائنسی کمیٹی، ڈاکٹر وائی پی سنگھ، جنرل سیکریٹری، آئی ایس سی سی ایم، اور آرگنائزنگ سیکریٹری، ڈاکٹر اجوئے سرکار، شریک چیئرمین، خلاصہ کمیٹی، ڈاکٹر سبھاش ٹوڈی، شریک چیئرمین، سائنسی کمیٹی، ڈاکٹر شاشوتی سنہا، جوائنٹ آرگنائزنگ سکریٹری، نیز انڈین سوسائٹی آف کریٹیکل کیئر میڈیسن (ISCCM) کے دیگر نمائندے موجود تھے۔