تاثیر،۲۰فروری ۲۰۲۴:- ایس -ایم- حسن
سلطان پور،20فروری: کانگریس لیڈر راہل گاندھی کو منگل کو 2018 میں درج ہتک عزت کے مقدمے میں ضمانت مل گئی۔ اگست 2018 میں بی جے پی کے ایک رہنما نے راہول گاندھی کے خلاف سلطان پور ضلع کی عدالت میں مقدمہ دائر کیا تھا۔ اس کے لیے عدالت نے انہیں 36 گھنٹے قبل پیش ہونے کے لیے سمن جاری کیا تھا۔جے رام رمیش نے ایک پوسٹ میں لکھا کہ یاترا پر کوئی اثر نہیں پڑے گا۔ راہول گاندھی خاموش نہیں رہیں گے۔ انڈین نیشنل کانگریس ڈرے گی نہیں۔انہوں نے بتایا، “آج 38 واں دن ہے۔ ہم نے صبح یاترا روک دی تھی۔ اب ہم فرست گنج سے دوپہر 2 بجے دوبارہ یاترا شروع کریں گے۔ اس کے بعد رائے بریلی میں ایک عوامی ریلی ہے اور پھر ہم لکھنؤ کی طرف بڑھیں گے۔ ..” کانگریس لیڈر راہول گاندھی کو 20 فروری کو سلطان پور کی ڈسٹرکٹ سول کورٹ نے بنگلورو کانفرنس میں مرکزی وزیر داخلہ امیت شاہ کے خلاف توہین آمیز ریمارکس کرنے کے معاملے میں 2018 کو طلب کیا تھا۔یہ شکایت اس وقت کے بی جے پی ضلع نائب صدر وجے مشرا نے درج کرائی تھی۔ وجے مشرا نے بتایا، “جب یہ واقعہ پیش آیا تو میں بی جے پی کا نائب صدر تھا۔ بنگلورو میں منعقدہ ایک پریس کانفرنس میں راہل گاندھی نے بی جے پی کے اس وقت کے قومی صدر اور موجودہ مرکزی وزیر داخلہ کو قتل کا “ملزم” قرار دیا۔ یہ سن کر بہت تکلیف ہوئی، اس کے بعد میں نے اپنے وکیل کی مدد سے کیس دائر کیا جس پر آج 5 سال بعد یہ فیصلہ آیا ہے۔