تاثیر،۸فروری ۲۰۲۴:- ایس -ایم- حسن
پٹنہ 08 فروری: کچوری سمیت منی لانڈرنگ معاملیمیں راجدھانی پٹنہ میں جمعرات کی صبح انکم ٹیکس کی ٹیم نے چھاپہ ماری کی ہے۔ محکمہ انکم ٹیکس کی ٹیم نے بیک وقت ارمیلا انفوٹیک کے 10 مقامات پر چھاپہ ماری کی ہے۔ارمیلا انفوٹیک بیلٹرون کے ذریعے حکومت بہار کے مختلف محکموں کو ڈیٹا انٹری ا?پریٹراوردیگرملازمین فراہم کرتی ہے۔ انکم ٹیکس کی ٹیم پٹنہ میں ارمیلا انفوٹیک کے مالک اویناش کمار سنگھ کے احاطے پرپہنچی اورسیکورٹی اہلکاروں نے دو احاطے کو گھیرے میں لے لیا۔ ایک ٹیم اویناش کمار سنگھ کے کھج پورہ میں واقع رہائش گاہ پر پہنچی جبکہ دوسری ٹیم پاٹلی پترا کالونی میں واقع ٹیکنالوجی پارک میں واقع ان کے دفترپہنچی اور دونوں جگہوں پر بیک وقت چھاپہ ماری شروع کردی ہے۔ معلومات کے مطابق انکم ٹیکس کی یہ کارروائی کروڑوں کی ٹیکس چوری کے سلسلے میں کی گئی ہے۔ اس کے کالے دھن کی سرمایہ کاری سمیت کئی بڑے سیاست دانوں سے روابط ہیں اور ایک سابق سینئرا?ئی اے ایس افسر کا بیٹا بھی اس فرم میں بزنس پارٹنر ہے۔ انکم ٹیکس چھاپہ ماری کے اس معاملے میں تفصیلی معلومات کا انتظار ہے۔